Інгрэдыенты
300 г свіных рэбраў
150 г ячных крупаў
6 сярэдніх бульбін
1 вялікая морква
1 корань пятрушкі
½ кораню салеры
⅓ цыбулі-парэю
чорны перац
соль
2 сталовыя лыжкі зялёнай пятрушкі
Прыгатаванне
Памыйце мяса, пакладзіце ў рондаль і заліце халоднай вадой. Калі булён закіпіць, зніміце пену, якая сабралася зверху. Затым зменшыце агонь, дадайце ненарэзаную ачышчаную і памытую гародніну (акрамя бульбы). Накрыйце і варыце на малым агні, пакуль мяса не стане мяккім і не пачне аддзяляцца ад косткі.
Затым ачысціце, памыйце і нарэжце кубікамі бульбу. Дастаньце мяса і гародніну на талерку. Дадайце бульбу і крупы ў булён. Варыце на малым агні, пакуль крупы і бульба не стануць мяккімі. Нарэжце адвараную моркву і дадайце яе ў кіпячы суп.
Запраўце чорным перцам і соллю па смаку. Нарэшце, дадайце свежа нарэзаную пятрушку.
Мяса з адвараных рэбраў можна дадаць у суп – цалкам альбо парэзаўшы на кавалкі.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
відэа: адзін з варыянтаў супу
слухайце аўдыёфайл