27 ліпеня на Замкавай Плошчы старога горада Варшавы прайшоў пікет у падтрымку беларускіх жанчын, якія змагаюцца за перамены ў краіне. Акцыя падтрымкі арганізавалася беларускамі, якія пражываюць у Варшаве.
Беларусь - гэта жанчыны
Нягледзячы на неспрыяльнае надвор'е (за 15 хвілін да пачатку акцыі пачаўся лівень, які адступіў толькі праз гадзіну) "чытанне лістоў жанчын Беларусі" прайшло па плану, аднак не на плошчы, а пад дахам адной з камяніц старога горада. Арганізатаркі чыталі перакладзеныя на польскую мову звароты жонак затрыманых палітвязняў, актывістак і звычайных беларусак усхваляваных сітуацыяй у Беларусі.
Дождж не перашкодзіў у правядзенні акцыі
"Тое што зараз адбываецца ў Беларусі выразна мае твар жанчыны. І мы падумалі, што магчыма жанчыны перажываюць тое, што адбываецца ў палітыцы крыху інакш. (...) Таму мы вырашылі даць голас тым жанчынам, які можа недзе з'яўляецца, але ён мала заўважальны, але дзякуючы "трыумвірату" нас больш пачулі і мы хацелі, каб беларускія галасы пачулі таксама і ў Варшаве" - кажа Аліна Коўшык, адна з арганізатарак.
No woman, no kraj
На акцыі можна было пачуць спявачку Насту Някрасаву і далучыцца да супольнага спеву між іншым "Купалінкі" і "Мураў". У пэўны момант на месцы акцыі з'явіўся вялікі бел-чырвона-белы сцяг, які абняў замкавую плошчу ў Варшаве.
Бел-чырвона-белы сцяг абняў усю плошчу
Таксама мы запыталіся ў прысутнічаючых, хто паводле іх з'яўляецца самай вялікай беларускай у гісторыі. Сярод адказаў прагучалі Еўфрасінія Полацкая, Святлана Алексіевіч, але і Святлана Ціханоўская, якая з'яўляецца зараз сімвалам пераменаў і ролі жанчын у сучаснай палітыцы.
Слухайце аўдыё.
Альберт Ежы Вяжбіцкі