Пункт інфармацыі і дапамогі беларусам разам з Мультыкультурным цэнтрам у Варшаве актыўна ўключыліся ў падтрымку беларусаў, якія былі вымушаны збягаць ад пераследу на Радзіме.
Гэты пункт паўстаў у сувязі з тым, што адбылося ў Беларусі ўлетку пасля абвяшчэння вынікаў прэзідэнцкіх выбараў.
Пачаліся тады, можна сказаць, масавыя ўцёкі беларусаў у трох накірунках: Літва, Украіна і Польшча. На Украіне, магчыма беларусам, найбольш зручна, таму што мова блізкая. Аднак для многіх актыўных і маладых беларусаў, якія не баяцца зменаў, для іх Польшча гэта выдатны старт і магчымасць развіваць сябе ў тых умовах, у якіх яны хацелі б, каб была і ўся Беларусь.
Пункт інфармацыі і дапамогі беларусам і Мультыкультурны цэнтр у Варшаве прапануе ўвесь пакет, што ім трэба ім на старце. Гэта, між іншым, бясплатныя курсы мовы, якія пачынаюцца з нуля кожныя тры месяцы, каб людзі самі маглі размаўляць па тэме пошукаў кватэры, пошукаў школы для дзіцяці, і пошукаў працы.
Якім чынам гэтыя арганізацыі дапамагаюць беларусам, нам расказала Вольга Гардзейчык –Мазярская.
Cлухайце ў далучаным гукавым файле