Гэта быў выраз падтрымкі і спосаб звярнуць увагу на рэпрэсіі супраць дзеячаў беларускай культуры ў Беларусі. Надоечы пад консульствам краіны ў Беластоку сабралася некалькі дзясяткаў чалавек, каб пратэставаць супраць затрымання музыкаў гурту NIZKIZ. Два тыдні таму Аляксандра Ільіна, Сяргея Кульшу і Дзмітрыя Халяўкіна затрымалі ў Магілёве і абвінавацілі ў распаўсюдзе экстрэмісцкіх матэрыялаў. Гурт стварыў і выконваў адзін з гімнаў пратэстаў 2020 года – песню «Правілы». І яна гучала ў Беластоку побач з традыцыйнымі лозунгамі.
Паводле Беларускай Рады Культуры, цяпер за кратамі ў Беларусі знаходзяцца каля 150 дзеячаў культуры, тысячы былі вымушаныя з’ехаць з краіны, сярод іх між іншым музыкант Лявон Вольскі, акторы нацыянальнага тэатру імя Янкі Купалы з Мінска ці нобэлеўская лаўрэатка Святлана Алексіевіч.
Слухайце далучаны гукавы файл аўдыё.
Зміцер Косцін
Акцыя ў Беластоку.
Беларусы Беластока пратэставалі супраць затрымання музыкаў у Беларусі.
Акцыя ў Беластоку.