300 г варанай гародніны (морква, корань пятрушкі, корань салеры, цыбуля)
1 невялікая сырая цыбуліна
1 варанае яйка
1 сырое яйка
70 г паніровачных сухароў
1 зубчык часныку
зялёная пятрушка і кроп
соль і перац
1 сталовая лыжка масла
алей для смажання
Прапусціце вараную гародніну праз мясарубку. Дробна нарэжце варанае яйка і дадайце яго ў гародніну. Дробна нарэжце сырую цыбуліну і абсмажце на масле. Дадайце яе ў гародніну разам з нарэзанай зелянінай. Затым – паніровачныя сухары, сырое яйка, выціснуты зубчык часныку, соль і перац. Добра перамяшайце. Калі сумесь занадта вадкая для фармавання катлет, то дадайце больш паніровачных сухароў (але столькі, каб сфармаваць шніцалі – не больш!). Зрабіце невялікія катлеты і абсмажце на алеі на залацісты колер. Падавайце з соусамі і бульбай.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл