Рэцэпт з кнігі «Як гатаваць. Практычны падручнік па кулінарыі» Марыі Дыслёвай, 1931 год.
500 г цяляціны (можа быць таксама курыца)
160 г масла
500 г савойскай капусты (можна замяніць на іншую капусту)
60 г рысу
2 маленькія цыбуліны
6 яек
1 сталовая лыжка смятаны 18%
120 г пшанічнай мукі
соль
перац
Мяса і цыбулю дробна нарэжце. Падсмажце на 20 г масла, пасаліце і папярчыце. Можаце дадаць свае любімыя спецыі.
Рыс зварыце да мяккасці, а капусту дробна нашаткуйце. У рондалі растапіце 40 г масла, патушыце капусту, пасаліце і папярчыце, дадайце паўшклянкі вады. Тушыце да мяккасці.
Усе складнікі (мяса, рыс і капусту) астудзіце. Дадайце 2 яйкі і добра перамяшайце. Пералажыце масу ў плоскую пасудзіну (можна выкарыстаць патэльню, прыдатную для духоўкі, у якой смажыліся інгрэдыенты).
Прыгатуйце цеста для верху: 100 г мяккага масла ўзбіце з 4 жаўткамі і смятанай. Бялкі ўзбіце ў густую пену і акуратна змяшайце з жаўтковай масай. Асцярожна дадайце муку, пасаліце і перамяшайце. Заліце цестам верх запяканкі.
Пастаўце ў духоўку пры 180 °C на 30 хвілін. Пячыце да моманту, пакуль не зарумяніцца цеста. Падавайце са смятанай, таматным альбо іншым соусамі.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл