цыбуля – 120 г
морква – 400 г
корань пятрушкі – 120 г
корань салеры – 250 г
вада – 2 л
цыбуля-парэй – 100 г
пятрушка – 1 пучок
макарона
аліўкавы алей – 6 сталовых лыжак
лаўровы ліст – 4 шт.
духмяны перац – 4 шт.
соевы соус – 3 сталовыя лыжкі
Ачышчаем цыбулю і наразаем яе буйнымі кубікамі. У вялікім рондалі разаграваем аліўкавы алей, дадаем лаўровы ліст і духмяны перац, пасля чаго абсмажваем цыбулю на залацісты колер.
Ачышчаем моркву, корань пятрушкі і салеры, а цыбулю-парэй і зялёную пятрушку старанна прамываем. Наразаем усю гародніну буйнымі кавалкамі і кладзем у рондаль да цыбулі.
Заліваем гародніну халоднай вадой так, каб яна была цалкам закрытая. Дадаем соевы соус і накрываем рондаль крышкай. Даводзім да кіпення, пасля чаго змяншаем агонь і варым пад крышкай каля 2,5 гадзіны.
Пасля варкі працэджваем булён праз сіта, дадаём соль і перац па смаку, а пры неабходнасці – яшчэ трохі соевага соусу. Булён можна падаваць адразу або пакінуць на ноч для больш насычанага смаку.
Адвараную макарону кладзём у талерку і заліваем гарачым булёнам. Зверху пасыпаем зялёнай пятрушкай. Булён таксама можна выкарыстаць як базу для іншых страў.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл