X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

23 гады таму Віслава Шымборска была ўзнагароджаная Нобелеўскай прэміяй у галіне літаратуры

04.10.2019 18:08
Сама Шымборска момант, калі даведалася пра ўзнагароду, назвала «стакгольмскай трагедыяй».
Аўдыё
  • Урачыстае ўручэнне прэміі адбылося ў Стакгольме 10 снежня 1996 года
Wisława Szymborska
Wisława Szymborska Jacek Bednarczyk/PAP

23 гады таму, 3 кастрычніка 1996 года, польская паэтэса Віслава Шымборска была ўзнагароджаная Нобелеўскай прэміяй у галіне літаратуры. Шведская акадэмія ўзнагародзіла польку «за паэзію, якая з іранічнай дакладнасцю апісвае законы біялогіі і гістарычныя з'явы ў кантэксце чалавечай рэальнасці».

Увогуле, сама Шымборска момант, калі даведалася пра ўзнагароду, назвала «стакгольмскай трагедыяй».

Нарадзілася пазнейшая нобелеўская лаўрэатка ў гарадку Курнік каля Познані ў 1923 годзе. Яна была не толькі паэтэсай, але эсэісткай, літаратурным крытыкам і перакладчыцай французскай літаратуры, прадстаўніком гэтак званага «пакалення калумбаў» – пакалення польскіх пісьменнікаў, якія нарадзіліся ў 1920-я гады і чыё сталенне прыпала на гады Другой сусветнай вайны. Вайна ў значнай ступені сфармавала іх свядомасць і ідэнтычнасць.

У 1931 годзе сямʼя Шымборскіх пераехала ў Кракаў, і ажно да смерці паэтэса была звязаная з гэтым горадам.
Друкавацца пачала ў 1945 годзе, а першы зборнік выйшаў у 1952 годзе. Доўгі перыяд адсутнасці публікацый абумоўліваўся тым, што ёй некалькі разоў адмаўлялі ў выданні зборніка з-за ідэалагічных прычын.

Хутка паэтэса стала вядомай, прычым не толькі ў Польшчы, але і за межамі.

Агулам Віслава Шымборска выдала больш за 20 кніг, а на беларускую мову яе творы пераклалі, у прыватнасці, Еўдакія Лось і Ніна Мацяш.

У паэтэсы было добрае пачуццё гумару: яна любіла жартаваць і смяяцца, і ўвогуле была вельмі пазітыўным і адначасова сціплым чалавекам. А неадлучным элементам яе вобразу была цыгарэта: Шымборска была заядлай курыльшчыцай і абсалютна не слухала людзей, у тым ліку блізкіх, якія заклікалі яе кінуць гэтую шкодную звычку.
Навіну пра тое, што яна стала нобелеўскай лаўрэаткай, Шымборска ўспрыняла са скептыцызмам і характэрнай для сябе сціпласцю. На Польскім радыё захаваўся запіс з 3 кастрычніка 1996 года, калі журналістка пазваніла паэтэсе, павіншавала яе з узнагародай і папрасіла расказаць, што яна будзе рабіць цяпер. Гаворыць Віслава Шымборска.

- Дзякуй, мне прыемна гэта пачуць. Я ўвогуле скептык па жыцці, а сапраўдны скептык перш за ўсё павінен са скептыцызмам адносіцца сам да сябе. Паверце, я скептычна адношуся да ўсяго, што раблю. Ну, але сталася тое, што сталася.

Цяпер мне трэба напісаць прамову, з якой неабходна выступіць падчас уручэння ўзнагароды. Я абсалютна не ведаю, пра што гаварыць! Гэта вельмі цяжка, трэба сябе ўзяць у рукі! У мяне такое ўражанне, што буду гэта пісаць месяц. Мне хіба што прыйдзецца недзе выехаць, у спакойнае месца, каб ніхто пра яго не ведаў, і там напісаць гэтую прамову.

Урачыстае ўручэнне прэміі адбылося ў Стакгольме 10 снежня 1996 года. 

Віслава Шымборска таксама была лаўрэатам мноства іншых прэстыжных узнагарод і прэмій, сярод іншага, узнагароды польскага ПЭН-клуба, прэмій імя Хердэра, Гацье і Касцельскіх.

У 2001 годзе паэтэса атрымала дыплом ганаровага члена Амерыканскай акадэміі мастацтваў і літаратуры.
Памерла вялікая полька 1 лютага 2012 года ва ўзросце 88 гадоў.

Не ведаю як дзе,
але тут, на Зямлі, багата ўсяго.
Тут вырабляюць крэслы і смутак,
нажнічкі, скрыпкі, пяшчоту, транзістары,
плаціны, кубачкі, жарты.

фрагмент верша «Тут» (Tutaj) у перакладзе Марыны Казлоўскай

Валеры Саўко

слухайце аўдыёфайл

Больш на гэтую тэму: Машына часу