X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Шэсць партый выступілі супраць выкарыстання ў судовай справе партыйнага пасведчання

22.01.2021 12:21
Лідары груповак выказваюць абурэнне выкарыстаннем факта прыналежнасці да партыі ў якасці доказа па крымінальнай справе.
Аўдыё
  • Рыгор Кастусёў пра заяву шасці партый
:
Фота:narodny.org

Шэсць палітычных партый Беларусі выступілі з супольнай заявай з нагоды выкарыстання ў крымінальнай судовай справе супраць сябра БНФ Вітольда Ашурка ў якасці доказаў абвінавачання сяброўскага пасведчання пра прыналежнасць да партыі.

Нагадаем, што суд Лідскага раёна прысудзіў сябру Сойму Партыі БНФ пяць гадоў зняволення. Сярод доказаў па справе ў судзе было разгледжанае сяброўскае пасведчанне, выдадзенае Ашурку як члену партыі.

«Такога ў гісторыі Беларусі яшчэ не было», – адзначае старшыня Партыі БНФ Рыгор Кастусёў.

- Судовае пакаранне грунтуецца на наяўнасці пасведчання сябра Партыі БНФ як доказу віны. Такое адбылося ўпершыню ў гісторыі незалежнай Беларусі, што пасведчанне з’яўляецца доказам віны, які паўплываў на рашэнне суддзі прызнаць Ашурку вінаватым. Гэта поўнае непрызнанне беларускага заканадаўства.

Зараз праводзіцца праверка палітычных партый, патрабуюцца спісы партыйцаў. Такім чынам беларускія ўлады пачынаюць паляванне на ведзьмаў. Працэс ціску на партыі пачаўся пасля падпісання ў верасні дзесяццю партыямі супольнай заявы з патрабаваннем паўторных выбараў.

Лідары партый БСДП (Грамада), АГП, Беларускай партыі левых «Справядлівы свет», партыі «Зялёныя», Партыі БНФ ды Беларускай сацыял-дэмакратычнай Грамады ў сумеснай заяве выказваюць абурэнне выкарыстаннем факта прыналежнасці да афіцыйнай палітычнай партыі ў якасці доказу па крымінальнай справе і дзеля стварэння новай формы палітычных рэпрэсіяў на падставе сяброўства людзей у зарэгістраваных партыях.

 

Слухайце аўдыё

нг