Прадстаўніца Памежнай службы Ганна Міхальска ў чацвер на прэс-канферэнцыі заявіла, што беларусы, якія шукаюць дапамогі ў Польшчы, яе атрымліваюць увесь час.
«Польская памежная ахова працягвае аказваць дапамогу рэпрэсаваным на тэрыторыі Беларусі беларусам. За мінулы дзень на тэрыторыю Польшчы ўехала 40 такіх людзей», – сказала Міхальска на брыфінгу, прысвечаным сітуацыі на польска-беларускай мяжы.
Яна дадала, што гэтыя асобы звярталіся ў пунктах пропуску па міжнародную абарону на польскай тэрыторыі і атрымлівалі гуманітарныя візы.
Да канца кастрычніка выдадзена 1,6 тыс. рашэнняў аб прадстаўленні міжнароднай абароны замежнікам. У асноўным гэта былі грамадзяне Беларусі – 870 чалавек і Афганістана – 560 чалавек (эвакуіраваныя ў жніўні супрацоўнікі польскага войска і дыпламатыі).
Іншаземцу прадстаўляецца міжнародная абарона – у выглядзе статусу бежанца або дадатковай абароны – калі ў краіне яго паходжання яму пагражае пераслед або рэальная рызыка страты жыцця або здароўя.
ав