Польшча зноў была прымушаная падняць у паветра баявыя самалёты

Праз расійскую ракетную атаку па Украіне, польскія вайскоўцы таксама правялі неспакойную ноч.

F-16

Shutterstock.com/Albert Beukhof

Аперацыі польскай і хаўрусніцкай авіяцыі ў паветранай прасторы Польшчы завершаныя, паведаміла раніцай Аператыўнае камандаванне Узброеных сіл. Гэтыя дзеянні былі праведзеныя з-за начных нападаў расіян на Украіну.

«У сувязі са зніжэннем узроўню пагрозы расійскіх авіяўдараў па тэрыторыі Украіны аперацыя польскіх і хаўрусніцкіх ВПС у паветранай прасторы Польшчы была спыненая, а разгорнутыя сілы і сродкі вярнуліся да стандартнай аператыўнай дзейнасці. Паведамляем, што парушэнняў паветранай прасторы Польшчы не было», — гаворыцца ў заяве Аператыўнага камандавання.

«Гэта была чарговая ноч павышанай гатоўнасці польскіх і хаўрусніцкіх сістэм і інтэнсіўнай службы жаўнераў Войска Польскага, якія пастаянна сочаць за сітуацыяй на тэрыторыі Украіны і знаходзяцца ў пастаяннай гатоўнасці для забеспячэння бяспекі польскай паветранай прасторы», — гаворыцца ў прэс-рэлізе.

У выніку абстрэлаў па ўсёй Украіне за мінулыя выходныя загінулі 13 чалавек, у іх ліку трое дзяцей, больш за 50 атрымалі раненні.

аз