Міністр фінансаў Анджэй Даманьскі і старшыня Нацыянальнага банка Польшчы Адам Гляпіньскі прадстаўляюць Польшчу на сустрэчы Групы G20 у ЗША. Па запрашэнні амерыканскага старшынства Польшча сёлета ўдзельнічае ў паседжаннях G20 у якасці паўнапраўнага члена.
Падчас сустрэчы міністр Анджэй Даманьскі правядзе сесію, прысвечаную эканамічнаму росту.
Гэта важны сігнал для замежных інвестараў, што нягледзячы на адрозненні ў палітычных поглядах, Анджэй Даманскі і Адам Гляпіньскі могуць супрацоўнічаць па важных пытаннях, падкрэслівае эканаміст Марэк Зубэр (Marek Zuber):
— Тыя, хто хоць трохі цікавіцца сітуацыяй у Польшчы, ведаюць, што тут няма ніякай «вялікай любові». Пасыл заключаецца ў тым, што ў гэтых найважнейшых пытаннях мы дзейнічаем разам, і я спадзяюся, што мы гаворым адным голасам. Гэта, безумоўна, вельмі важна. Апошні рэйтынг генцтва «Fitch» выразна паказвае, што праблема кансалідацыі дзяржаўных фінансаў у Польшчы, заключаецца ў адсутнасці супрацоўніцтва паміж урадам і прэзідэнтам. Гэта выразна падкрэсліваецца і гэта таксама бачаць тыя, хто ацэньвае сітуацыю ў Польшчы, — кажа эканаміст.
Група G20 аб'ядноўвае 19 найбуйнейшых нацыянальных эканомік, Еўрапейскі Саюз і Афрыканскі Саюз. На яе чальцоў прыпадае прыкладна 85% сусветнага ВУП і больш за 75% сусветнага гандлю.
IAR/аз