Польшча павольна, але эфектыўна фарміруе міжнародную думку адносна крызісу на мяжы з Беларуссю. Кіраўнік польскага МЗС Збігнеў Рау адзначыў, што цяпер гэта найважнейшая задача польскай дыпламатыі.
- Такім чынам мы ўплываем на дзеянні Еўрапейскага Саюза і накладанне новых санкцыяў супраць Беларусі. Мы таксама ўздзейнічаем на пазіцыю НАТА і на бліжэйшым паседжанні міністраў замежных справаў у Рызе будзе абмяркоўвацца сітуацыя на ўсходнім флангу НАТА.
Збігнеў Раў гібрыдную вайну Лукашэнкі абмяркуе сёння з румынскімі ўладамі. А прэм'ер-міністр Маравецкі ў бліжэйшыя дні наведае больш за дзясятак еўрапейскіх краін, каб паразмаўляць з іх лідарамі аб крызісе на ўсходняй мяжы Еўрасаюза.
У нядзелю кіраўнік урада наведаў Эстонію, Літву і Латвію, а сёння едзе ў Венгрыю.
яс