X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Канстанцін Езавітаў: Беларускую дзяржаўнасць мала абвясціць, яе трэба абараніць — са зброяй у руках

25.03.2021 10:02
Гісторык Юры Грыбоўскі з Варшаўскага ўніверсітэта даследуе біяграфію Канстанціна Езавітава, аднаго з «айцоў» БНР.
Аўдыё
  • "Варшаўскі мост". Ю.Грыбоўскі пра К.Езавітава.
 .
Канстанцін Езавітаў.Commons.wikimedia.org/Public domain

25 сакавіка адзначаецца 103-я гадавіна абвяшчэння незалежнасці Беларускай Народнай Рэспублікі. Адным з бацькоў БНР быў Канстанцін Езавітаў.

У беларускі нацыянальны рух Езавітаў прыйшоў яшчэ ў 1913 годзе, калі стаў членам першай і адзінай на той час беларускай палітычнай партыі — Беларускай сацыялістычнай грамады.

Юры Грыбоўскі, доктар габілітаваны, выкладчык Варшаўскага ўніверсітэта: — Канстанцін Езавітаў нарадзіўся ў Дзвінску, цяперашнім Даўгаўпілсе, а яго бацька Барыс Ануфрыевіч Езавітаў нарадзіўся ў сучасным Шумілінскім раёне. Барыс Езавітаў быў прафесійным вайскоўцам і лёс яго закідваў у розныя куткі Расійскай імперыі, а ў канцы ХІХ ст. — у Дзвінскую крэпасць.

Беларусам Канстанцін Езавітаў усвядоміў сябе падчас канікул, якія праводзіў у сваіх дзядулі і бабулі ў сучасным Шумілінскім раёне: тут ён пачуў беларускую мову.

Канстанцін Езавітаў у 1917 годзе праводзіў арганізацыйную работу сярод салдат-беларусаў расійскай арміі на Паўночным фронце. Быў абраны намеснікам старшыні Цэнтральнай беларускай вайсковай рады.

Юры Грыбоўскі:У той час Канстанцін Езавітаў усведамляў, што ідэя беларускай дзяржаўнасці павінна абапірацца не толькі на прававыя асновы, але і на беларускі штык. Езавітаў належаў да тых, хто лічыў, што беларускую дзяржаўнасць недастаткова абвясціць, але яшчэ трэба абараніць — са зброяй у руках.

За ўдзел у арганізацыі і рабоце Усебеларускага з’езда ў снежні 1917 года і дзейнасць па стварэнні беларускага войска Канстанцін Езавітаў у студзені 1918 года быў арыштаваны савецкімі спецслужбамі — ВЧК, але здолеў уцячы.

Юры Грыбоўскі:У ноч з 19 на 20 лютага бальшавікі ўцякалі з Мінска над націскам немцаў. Канстанцін Езавітаў быў прызначаны Выканаўчы камітэтам Усебеларускага з’езда камендантам Мінска. Ён павінен быў забяспечыць абарону горада і стварыць мясцовую міліцыю. Езавітаў ва ўспамінах сцвярджаў, што ў асноўным узяў Мінск пад кантроль, сфарміраваў Беларускі полк. На самай справе, як сведчаць архіўныя дакументы, Беларускі полк уяўляў сабой не полк, а «паспалітае рушэнне», якое налічвала некалькі дзясяткаў чалавек — пераважна членаў мінскага беларускага вучнёўскага гуртка і Першага беларускага таварыства драмы і камедыі. Гэта былі непрафесійныя вайскоўцы, якія пры ўсім жаданні не маглі абараніць Мінск.

У той час у горадзе дзейнічалі польскія вайсковыя фарміраванні — больш паспяхова, чым беларускія, падначаленыя Езавітаву.

Юры Грыбоўскі адзначае, што сама спроба Канстанціна Езавітава стварыць беларускія вайсковыя фарміраванні і абараніць Мінск сведчыць пра адданасць яго беларускай справе і нацэленасць на дасягненне мэты ў любой сітуацыі.

Юры Грыбоўскі:Канстанцін Езавітаў увайшоў у Народны Сакратарыят — першы ўрад Беларусі, створаны 21 лютага 1918 года. У ім Езавітаў займаў пасаду сакратара па вайсковых справах.

25 сакавіка 1918 года Канстанцін Езавітаў удзельнічаў у абвяшчэнні незалежнасці БНР.

Юры Грыбоўскі:Канстанцін Езавітаў у складзе ўрадаў БНР працаваў над стварэннем беларускіх вайсковых фарміраванняў, праявіў сябе на педагагічнай ніве, стварыў культурна-асветную арганізацыю «Бацькаўшчына».

Віктар Корбут

Слухайце аўдыё

Больш на гэтую тэму: Варшаўскі мост

Беларусы Варшавы рыхтуюцца да Дня Волі

11.03.2021 10:03
Розныя мерапрыемствы да Дня Волі рыхтуюць адразу некалькі беларускіх і польскіх арганізацый у Варшаве.