У ноч на 19 лістапада над Украінай сілы супрацьпаветранай абароны збілі 15 з 20 расійскіх БПЛА тыпу «Шахед-136/131».
Расійскія акупанты атакавалі Украіну беспілотнікамі з поўначы (Курская вобласць Расіі). Супрацьпаветраная абарона адпрацавала ў Кіеўскай, Палтаўскай і Чаркаскай абласцях Украіны.
Днём раней расіяне таксама здзейснілі атаку з беспілотнікаў на Украіну. Тады ў выніку баявой працы сіл і сродкаў супрацьпаветранай абароны было знішчана 29 з 38 «шахедаў».
Паводле ўладаў Кіева, мінулай ноччу падчас атакі беспілотнікаў зенітна-ракетная сістэма паразіла каля дзясятка аб'ектаў праціўніка на тэрыторыі Кіева і ў ваколіцах.
iar/ez