Украіна страціла знішчальнік F-16 — паведамілі ўзброеныя сілы краіны. Пілот загінуў.
Самалёт быў збіты ўначы падчас аперацыі па адбіцці расійскай ракетнай атакі і атакі беспілотнікаў. Раней пілот нейтралізаваў сем цэляў у паветры. Усяго Расія атакавала Украіну ўначы 477 беспілотнікамі і 60 ракетамі.
Першыя F-16, якія Украіна прасіла ў Захаду з пачатку вайны, прыбылі туды мінулым летам. Улады ў Кіеве не раскрылі, колькі самалётаў ім было перададзена на той момант. Кааліцыя, якая складаецца з Даніі, Нарвегіі, Нідэрландаў і Бельгіі, абавязалася паставіць украінскім ВПС каля 60 самалётаў.
ПР/юл