Беларуская Служба

ЕК у справе вайны ва Украіне: ЗША выказалі зацікаўленасць ва ўзгадненні сваёй пазіцыі з Еўропай

11.08.2025 10:18
Сустрэча Трампа і Пуціна запланавана на пятніцу на Алясцы.
.
Д.ТрампPAP/EPA/NATHAN HOWARD / POOL

- У кантэксце запланаванай размовы паміж прэзідэнтам ЗША Дональдам Трампам і расійскім лідарам Уладзімірам Пуціным адміністрацыя ЗША выказала зацікаўленасць ва ўзгадненні сваёй пазіцыі з Еўропай, - паведаміў чыноўнік Еўрапейскай камісіі. Еўрапейская камісія хоча атрымаць цвёрдыя гарантыі бяспекі для Украіны.

Сустрэча Трампа і Пуціна запланавана на пятніцу на Алясцы. Сустрэча ў суботу ў Вялікабрытаніі, якую арганізавалі міністр замежных спраў Вялікабрытаніі Дэвід Лэмі і віцэ-прэзідэнт ЗША Дж. Д. Вэнс, была накіравана на ўмацаванне пазіцый Украіны і іншых еўрапейскіх краін з ЗША.

Крыніца ў Еўрапейскай камісіі паведаміла групе карэспандэнтаў у Бруселі, што сустрэча паказала, што «прэзідэнт Трамп не лічыць сустрэчу на Алясцы саступкай прэзідэнту Пуціну».

- Ён хутчэй хоча асабіста праверыць свае варыянты з прэзідэнтам Пуціным, - сказала крыніца.

Еўрапейская камісія крытычна ставіцца да прапанаванага Пуціным абмену тэрыторыямі.

- Што да тэрытарыяльных пытанняў, пазіцыя Расіі прадстаўлена як абмен тэрыторыямі, але, відаць, яна будзе аднабаковай, — сказала крыніца.

Паводле яго слоў, гарантыі бяспекі маюць «велізарную важнасць» для Украіны.

- Найбольш надзейнай гарантыяй бяспекі было б зняцце абмежаванняў на ўзброеныя сілы Украіны і падтрымка, якую аказваюць Украіне трэція краіны, — дадаў высокапастаўлены чыноўнік ЕС.

ав