Кір Стармер мяркуе, што яна прынесла прагрэс па двух пытаннях. Па-першае, арганізацыя далейшых перамоваў: двухбаковых і трохбаковых, з удзелам прэзідэнтаў Расіі і Украіны. Па-другое, амерыканскія гарантыі бяспекі для Украіны цяпер на стале.
«Я думаю, што вынікі супакояць народ Еўропы, Украіны і асабліва Вялікабрытаніі. Гэтыя два вынікі сталі сапраўды значным прарывам», – сказаў прэмʼер-міністр Вялікабрытаніі. Ён дадаў, што еўрапейцы цяпер будуць супрацоўнічаць з амерыканцамі і ўзгадняць дэталі гарантый для Кіева, пра якія згадваў прэзідэнт Трамп.
Кір Стармер быў адным з некалькіх еўрапейскіх лідараў, якія прысутнічалі падчас сустрэчы Дональда Трампа з Уладзімірам Зяленскім у Вашынгтоне. Прэзідэнта Украіны падтрымалі, сярод іншых, старшыня Еўрапейскай камісіі Урсула фон дэр Ляен, генеральны сакратар НАТА Марк Рутэ, прэмʼер-міністр Італіі Джорджыя Мелоні і прэзідэнт Фінляндыі Аляксандр Стуб.
IAR/вх