Львоўшчына: па Львове расіяне ўдарыліў дронамі і ракетамі – пашкоджаныя дзясяткі дамоў, вядома пра аднаго загінулага.
Закарпацце: удар па прадпрыемстве ў Мукачава выклікаў пажар і моцнае задымленне. Жыхароў просяць зачыніць вокны, ёсць пацярпелыя.
Валынь: у Луцку - атака дронамі і ракетамі.
Ровенская вобласць: па Роўна і Дубна пусцілі «Кінжалы», атака беспілотнікамі.
Кіеў і вобласць перажылі масіраваную атаку дронамі.
У Дняпры зафіксаваны пускі «Цырконаў» і выбухі, у вобласці ўспыхнуў пажар пасля ўдару БпЛА. Улады паведамляюць аб разбураных двух прадпрыемствах.
У Запарожжы - удары па прамысловай інфраструктуры.
Сумы і вобласць атакаваны дронамі і балістычнымі ракетамі.
«Нягледзячы на ўсе намаганні па спыненні вайны, Расія нанесла масіраваны авіяўдар па Украіне ўначы. Сотні беспілотнікаў і гіпергукавых, балістычных і крылатых ракет патрапілі ў грамадзянскую і энергетычную інфраструктуру. Адна з ракет трапіла ў абʼект буйнога амерыканскага вытворцы электронікі, размешчаны ў нашым самым заходнім рэгіёне (Закарпацкая вобласць – рэд.). Прычыненая значная шкода, ёсць ахвяры», – напісаў міністр замежных спраў Украіны Андрэй Сыбіга на платформе X.
Міністр замежных спраў адзначыў, што абʼект амерыканскага вытворцы электронікі зʼяўляецца грамадзянскім абʼектам, які не мае ніякага дачынення да абароны або вайскоўцаў. Паводле слоў Сыбігі, гэта не першы напад Расіі на амерыканскія кампаніі ва Украіне, бо раней у гэтым годзе мішэнню быў офіс аэракасмічнай кампаніі Boeing у Кіеве.
«У гэтым няма логікі ці ваеннай неабходнасці – толькі тэрор супраць людзей, бізнесу і нармальнага жыцця ў нашай краіне», – адзначыў Сыбіга. Міністр замежных спраў мяркуе, што менавіта таму так важныя намаганні па прымусе Расіі спыніць вайну. Ён падкрэсліў гатоўнасць Украіны прыкласці ўсе намаганні для аднаўлення міру.
вх