Украінскія беспілотнікі атакавалі Маскву

Расійскія ўлады афіцыйна маўчаць аб магчымых ахвярах.

Пасля ўдару беспілотніка па жылым доме ў Краснагорску, Маскоўская вобласць, Расія, 24 кастрычніка 2025 года.

PAP/EPA/MAXIM SHIPENKOV

Уначы больш за 200 украінскіх беспілотнікаў нанеслі ўдары па мэтах на тэрыторыі Расіі. Прыкладна 40 дасягнулі Масквы. Расійскія ўлады не апублікавалі ніякай інфармацыі аб стратах. Вядома толькі, што аэрапорты ў сталіцы былі часова зачыненыя.

Мэр Масквы Сяргей Сабянін напісаў у інтэрнэце, што больш за 40 беспілотнікаў ляцелі ў бок Маскоўскай агламерацыі, 34 з якіх былі збітыя непасрэдна над Масквой.

Расійскія ўлады афіцыйна маўчаць аб магчымых ахвярах. У інтэрнэце з'явіліся фота і відэа, якія паказваюць, што беспілотнік выбухнуў у раёне Камунаркі. На здымках відаць клубы дыму, якія ўздымаюцца над бліжэйшым лесам.

Аэрапорты Дамадзедава і Жукоўскі былі часова зачыненыя.

Міністэрства абароны Расіі паведаміла, што за ноч сілы супрацьпаветранай абароны збілi 193 беспілотнікаў.

Акрамя Масквы, беспілотнікі атакавалі больш за дзясятак іншых рэгіёнаў Расіі. У выніку нападу на Белгародскую вобласць, які на суткі раней, адзін чалавек загінуў і 23 атрымалі раненні. Тым часам у Бранскай вобласці загінуў адзін чалавек і пяць атрымалі раненні.

IAR/аз