Масква зноў плануе выкарыстоўваць на фронце войскі рэжыму Кім Чэн Ына. Паводле расійскіх і паўночнакарэйскіх крыніц, КНДР адправіла ў Расію яшчэ пяць тысяч вайскоўцаў. Улады ў Пхеньяне тлумачаць, што гэта нібыта рамонтна-будаўнічыя брыгады, аднак раней рэжым ужо накіраваў у Расію ад 10 да 12 тысяч салдат.
Як паведамляе незалежны тэлеканал «Дождж», новыя падраздзяленні паступова прыбываюць у Расію з верасня. Іх афіцыйна называюць рабочымі, якія займаюцца аднаўленнем інфраструктуры, але дакладна невядома, у якім рэгіёне яны дзейнічаюць. Паводле разведкі Паўднёвай Карэі, каля 10 тысяч паўночнакарэйскіх вайскоўцаў цяпер могуць знаходзіцца ў раёне ўкраінскай мяжы.
Вясной і летам салдаты Кім Чэн Ына ўдзельнічалі ў баявых дзеяннях супраць украінскай арміі ў Курскай вобласці. Расійская прапаганда тады заяўляла, што дзякуючы ім удалося «вызваліць» расійскую тэрыторыю ад украінскіх войскаў.
Паводле дамоўленасці, заключанай Уладзімірам Пуціным і паўночнакарэйскім дыктатарам, Пхеньян пастаўляе Расіі салдат і боепрыпасы ў абмен на ежу, паліва і ваенныя тэхналогіі.
IAR/нг