Былы кіраўнік Офіса прэзідэнта Украіны Андрэй Ярмак паведаміў, што пасля адстаўкі і вобшукаў у ягоным доме прыняў рашэнне накіравацца на фронт. Пра гэта ён распавёў карэспандэнтцы выдання The New York Post.
«Я еду на фронт і гатовы да любых рэпрэсій. Я сумленны і прыстойны чалавек», — адзначыў Ярмак у паведамленні журналістцы. Таксама палтіык папрасіў прабачэння, калі ў будучыні не выйдзе на сувязь. Тэрміны і спосаб ягонага магчымага ўдзелу ў баявых дзеяннях пакуль невядомыя. BBC News Украіна высвятляе, што дакладна меў на ўвазе Ярмак, заяўляючы пра службу на лініі фронту.
«Магчыма, мы яшчэ пабачымся. Слава Украіне», — напісаў ён, падкрэсліўшы, што «не жадае ствараць праблем прэзідэнту».
Нагадаем, Ярмак знаходзіцца пад следствам Нацыянальнага антыкарупцыйнага бюро Украіны (НАБУ) у сувязі з расследаваннем карупцыі ва ўкраінскай энергетыцы пад кодавай назвай «Мідас». Андрэй Ярмак фігуруе ў матэрыялах следства пад псеўданімам Алі-Баба.
эж