Прэм'ер-міністр Вялікабрытаніі паабяцаў Украіне 5 тысяч салдат для падтрымання міру пасля заканчэння вайны. Вайскоўцы Вялікабрытаніі папярэджваюць, што гэта пустое абяцанне. Паводле экспертаў, брытанская армія настолькі малая, што адпраўка войскаў у Кіеў азначала б адмову ад баз у Эстоніі і на Кіпры.
У Вялікабрытаніі ў цяперашні час знаходзіцца прыблізна 71 тысяча прафесійных салдат. Гэта самая нізкая колькасць за апошнія гады.
Камандзіры кажуць наўпрост: у нас няма запасных войскаў, якіх можна проста адправіць на новую місію ва Украіну.
Адзіны спосаб знайсці войскі — гэта ліквідаваць цяперашнія фарпосты. Гэта ў першую чаргу тычыцца Эстоніі, дзе брытанцы выступаюць у якасці бар'ера супраць Расіі, і Кіпра, які важны для паветраных сіл і разведкі. Брытанская армія таксама мае велізарную праблему з абсталяваннем. Нават калі Лондан збярэ дастаткова людзей і забяспечыць іх зброяй, у яго не будзе дастаткова баявых машын.
Эксперты Міністэрства абароны прызнаюць, што без новых закупак салдаты ва Украіне будуць мець значныя цяжкасці з перамяшчэннем.
Нягледзячы на гэтыя перашкоды, спецыялісты брытанскай і французскай арміі наведваюць Украіну. Сярод іншага, яны аглядаюць месцы для захоўвання зброі.
IAR/Анна Ранчкоўска/яс