Прэзідэнт Украіны Уладзімір Зяленскі заявіў, што Узброеныя сілы Украіны падбілі два танкеры расійскага ценявога флоту. Ён таксама апублікаваў відэа з аперацыі.
— Нашы салдаты працягваюць ужываць санкцыі супраць расійскага ценявога нафтавага флоту — яны падбілі два такія судны ў акваторыі ўваходу ў порт Наварасійск. Гэтыя танкеры актыўна выкарыстоўваліся для перавозкі нафты. Цяпер іх не будзе, — напісаў прэзідэнт.
Ён падзякаваў начальніку Генеральнага штаба Андрэю Гнатаву за кіраўніцтва аперацыяй, а таксама контрразведчыкам Службы бяспекі Украіны і ВМС Украіны за паспяховыя вынікі.
Ён таксама абвясціў, што ўкраінскія магчымасці далёкага дзеяння будуць працягваць развівацца — у моры, у небе і на сушы.
Удары па расійскіх караблях
УНІАН нагадала, што ў снежні 2025 года беспілотнікі збілі танкер так званага «ценявога флоту» Расіі QENDIL. А некалькі дзён таму двум марскім беспілотнікам-камікадзэ ўдалося збіць санкцыйны танкер MARQUISE ў Чорным моры.
Таксама ў ноч на 30 красавіка Ваенна-марскія сілы Узброеных сіл Украіны нанеслі ўдары па патрульным караблі ФСБ Расіі «Собаль» і супрацьдыверсійным судне «Грачонак» у Крыме.
А 19 красавіка байцы спецыяльнага падраздзялення ГУР Міністэрства абароны Украіны «Першачарговая» нанеслі ўдары па двух буйных дэсантных караблях Чарнаморскага флоту Расіі ў часова акупаваным Крыме. Гэта ВДК праекта 775 «Ямал» і ВДК праекта 1171 «Мікалай Фільчанкоў».
нг