Уначы ўкраінскія дроны нанеслі ўдары па прамысловай зоне Разані.
На фотаздымках, апублікаваных інфармацыйнымі каналамі Exilenova і Supernova, відаць моцнае зарыва ад пажараў і густы дым.
Паводле маніторынгавых груп, украінскія беспілотнікі выбухнулі на тэрыторыі складоў кампаніі Wildberries і Разанскага нафтаперапрацоўчага завода.
Губернатар Разанскай вобласці Павел Малкоў пацвердзіў атаку ўкраінскіх дронаў, аднак не ўдакладніў, якія пашкоджанні былі нанесеныя аб'ектам.
Украіна практычна штодня атакуе расійскую паліўную, інфармацыйную і лагістычную інфраструктуру.
Такім чынам Кіеў імкнецца абмежаваць ваенныя магчымасці Расіі, якая вядзе агрэсіўную вайну супраць Украіны, а таксама выклікаць незадаволенасць сярод расійскага насельніцтва.
IAR/яс