Пра гэта паведамілі CNN і Kyiv Post. Гэта адбудзецца падчас візіту Лулы да Сільва, які плануе спыніцца ў Маскве па дарозе назад у Бразілію пасля завяршэння рэгіянальнага форуму ў Кітаі.
На прэс-канферэнцыі ў Пекіне 14 мая прэзідэнт Бразіліі заявіў, што паспрабуе пагаварыць з Пуціным пра яго ўдзел у перамовах з Украінай.
«Калі я спынюся ў Маскве, я паспрабую пагаварыць з Пуціным. Мне нічога не каштуе сказаць: «Гэй, таварыш Пуцін, едзь у Стамбул і заключы здзелку», — сказаў Лула.
Перад гэтым міністр замежных спраў Украіны Андрэй Сібіга заклікаў Бразілію выкарыстаць свой уплыў на Расію і забяспечыць адбыццё сустрэчы Пуціна і Зяленскага.
Перамовы з Украінай у Турцыі запрапанаваў аднавіць прэзідэнт Расіі Уладзімір Пуцін, яны маюць адбыцца «без якіх-небудзь папярэдніх умоў» у Стамбуле 15 мая.
ПР/юл