Кіраўнік офіса прэзідэнта Зяленскага Андрэй Ермак і сакратар Савета бяспекі і абароны Украіны Рустэм Умераў адправіліся ў ЗША для абмеркавання мірнага працэсу. Пра візіт паведаміў прэзідэнт Зяленскі, а таксама прадстаўнік ЗША Стыў Віткaф. Хутчэй за ўсё, ён будзе сустракацца з украінскай дэлегацыяй.
Чакаецца, што дэлегацыі абмяркуюць ход мірнага працэсу. Адным з яго слупоў з'яўляюцца гарантыі бяспекі, абяцаныя Кіеву Захадам. Паводле папярэдняй інфармацыі, гэтыя гарантыі будуць заключацца ў падтрымцы Захадам украінскай арміі, а таксама ў магчымай прысутнасці заходніх войскаў ва Украіне. Таксама гаворка ідзе пра магчымы механізм бяспекі па ўзоры Артыкула 5 НАТА.
Учора (28 жніўня) прэзідэнт Зяленскі заявіў, што папярэдняя праца над гарантыямі набліжаецца да завяршэння, і што ўся, як ён сказаў, «канфігурацыя гарантый» будзе завершана на паперы на наступным тыдні.
Ключавым элементам запланаваных Вашынгтонам дамоўленасцей павінна была стаць сустрэча паміж Зяленскім і Пуціным. Гэта здаецца ўсё больш малаверагодным, асабліва пасля нядаўніх расійскіх нападаў на Кіеў, у выніку якіх загінулі больш за 20 мірных жыхароў.
IAR/П. Бушко/яс