Вядуцца перамовы аб адпраўцы войскаў партнёраў ва Украіну — не асобных салдат, а тысяч, пакуль што рана пра гэта казаць,- заявіў прэзідэнт Украіны Уладзімір Зяленскі ва Ужгарадзе падчас прэс-канферэнцыі з прэзідэнтам Еўрапейскай рады Антоніа Костам.
Раней еўрапейскі дыпламат расказаў Wall Street Journal, што еўрапейскія ваенныя кіраўнікі распрацавалі падрабязны план разгортвання, які прадугледжвае дзве групы наземных войскаў ва Украіне: адна — для навучання і падтрымкі ўкраінскіх салдат, а другая — асобная група — для стрымлівання расійскай агрэсіі.
Паводле слоў дыпламата, цяперашні план прадугледжвае разгортванне больш за 10 000 вайскоўцаў, а паветраную прастору над Украінай будуць патруляваць ваенна-паветраныя сілы, размешчаныя за мяжой.
У чацвер у Парыжы адбылася сустрэча краін, якія ўваходзяць у «Кааліцыю жадаючых» — краін, якія жадаюць даць Украіне гарантыі бяспекі ў выпадку спынення агню Расіяй. Ад Польшчы на сустрэчы прысутнічаў прэм'ер-міністр Дональд Туск.
Пасля сустрэчы па гарантыях бяспекі для Украіны прэзідэнт Францыі Эмануэль Макрон абвясціў, што 26 краін гатовыя ўдзельнічаць у так званых Сілах перастрахавання, шляхам разгортвання іх на сушы, праз марскую прысутнасць, альбо ў паветры. Чакаецца, што падтрымка ЗША гарантый будзе вызначана ў бліжэйшы час.
Расія выступіла супраць гэтых планаў.