Украінскім спецыялістам патрэбна некалькі дзён, каб далучыцца да супрацьдзеяння іранскім беспілотнікам на Блізкім Усходзе, гаворыцца ў паведамленні офіса прэзідэнта Украіны.
Раней Уладзімір Зяленскі пацвердзіў, што ЗША звярнуліся з гэтай просьбай да Кіева.
Прэзідэнт Украіны паведаміў, што ў адказ на просьбу ЗША ён загадаў падрыхтаваць неабходныя рэсурсы і вызначыць украінскіх спецыялістаў, якія, як ён адзначыў, «могуць гарантаваць неабходны ўзровень бяспекі».
Украінцы маюць чатырохгадовы вопыт абароны ад іранскіх беспілотнікаў, якія Расія штодня выпускае па Украіне.
Кіеў таксама прапанаваў свае сістэмы перахопу беспілотнікаў у абмен на зенітныя ракеты «Пэтрыёт».
IAR/яс