Украіна атрымае фінансавую дапамогу ад краін ЕС для працягвання барацьбы з акупантамі, нават калі Венгрыя і Славакія будуць і далей блакаваць крэдыт у 90 мільярдаў еўра – паведамляе Onet. Для Кіева, які ўжо ў бліжэйшы час мог застацца без сродкаў, гэта важная фінансавая перадышка. І, магчымы, далейшы шантаж з боку Віктара Орбана ўжо не будзе мець вырашальнага значэння.
На саміце ў Бруселі лідары ЕС паспрабуюць пераканаць Будапешт і Браціславу падтрымаць крэдыт, які павінен пакрыць каля дзвюх трацін патрэбаў Украіны да канца 2027 года.
Аднак у выпадку адмовы ЕС падрыхтаваў альтэрнатыўны план. Ён прадугледжвае выдзяленне да 30 мільярдаў еўра за кошт групы краін Усходняй і Паўночнай Еўропы. Гэта дазволіць Украіне забяспечыць фінансавую стабільнасць як мінімум у першай палове года — не толькі дзякуючы падтрымцы МВФ.
Паводле дыпламатычных крыніц, мэта Бруселя — абысці блакаванне і гарантаваць падтрымку Украіны незалежна ад пазіцыі асобных дзяржаў.
нг