Украінскія вайскоўцы на Блізкім Усходзе, паводле паведамлення BBC Ukraine, збілі першыя іранскія дроны тыпу Shahed, запушчаныя па краінах Персідскай затокі. Для гэтага выкарыстоўваліся ўкраінскія дроны-перахопнікі.
Кіеў раней накіраваў у рэгіён не толькі сістэмы барацьбы з беспілотнікамі, але і спецыялістаў для іх абслугоўвання. Паводле РБК-Украіна, гаворка ідзе пра 228 чалавек, якія працуюць у Катары, Саудаўскай Аравіі, Аб’яднаных Арабскіх Эміратах, Кувейце і Іярданіі.
Прэзідэнт Уладзімір Зяленскі заявіў, што менавіта Украіна мае ўнікальны досвед супрацьдзеяння масавым атакам дронаў. На гэтым фоне краіны Персідскай Затокі ўжо прапануюць украінскім вытворцам супрацоўніцтва і цікавяцца закупкай антыдронавых сістэм.
Паводле Intelligence Online, Кіеў таксама вядзе перамовы з Катарам аб магчымай перадачы 12 самалётаў Mirage 2000-5 у абмен на ўкраінскія супрацьдронавыя сістэмы.
pap/эж