Міністэрства абароны Украіны апублікавала спіс з 51 карабля, якія агрэсар выкарыстоўвае як рэсурс для папаўнення свайго ваеннага бюджэту нафтадоларамі з тым, каб працягваць агрэсію супраць Украіны.
У спісе фігуруюць нафтавыя танкеры, якія забяспечваюць марскі экспарт расійскай нафты і нафтапрадуктаў, а таксама грузавыя судны, якія супрацоўнічаюць з агрэсарам і заходзяць у закрытыя парты на часова акупаванай тэрыторыі Украіны — у прыватнасці, у Марыупаль і Керч.
Расія сістэматычна выкарыстоўвае марскую лагістыку не толькі для экспарту энергетычных рэсурсаў, але і для экспарту скрадзеных украінскіх рэсурсаў — збожжа, руды, вугалю. Паралельна дзяржава-агрэсар спрабуе інтэграваць акупаваныя тэрыторыі ва ўласную эканамічную сістэму, адкрываючы ўкраінскія парты для замежных суднаў.
Каб прыкрыць такую дзейнасць, Расія выкарыстоўвае схемы з выкарыстаннем суднаў пад сцягамі трэціх краін, у прыватнасці тых, якія афіцыйна падтрымліваюць суверэнітэт і тэрытарыяльную цэласнасць Украіны.
ГУР МО Украіны/юл