Расіяне неаднаразова парушалі абвешчанае імі ў суботу перамір'е. Яны атакавалі ўкраінскія войскі на фронце, а таксама выкарыстоўвалі беспілотнікі. Спыненне агню, прапанаванае Расіяй у звязку са святам Дня Перамогі ў Другой сусветнай вайне, павінна было ўступіць у сілу 9 мая.
Украінскія вайскоўцы паведамілі, што ў суботу, у дзень так званага спынення агню, расіяне атакавалі ўкраінскія пазіцыі на фронце больш за 120 разоў. У прыфрантавых раёнах яны таксама атакавалі мірных жыхароў — у асноўным з выкарыстаннем невялікіх беспілотнікаў FPV. У Запарожскай вобласці яны забілі аднаго мірнага жыхара і паранілі траіх.
9 мая расіяне абмежавалі колькасць удараў беспілотнікамі далёкага радыўсу дзеяння па тэрыторыі Украіны, выкарыстаўшы толькі 27 такіх лятальных апаратаў. Адзін з іх уначы ўдарыў па жылым доме ў Харкаве. Сярод параненых былі дзеці. Спыненне агню, якое самі расіяне парушаюць і якога яны самі папрасілі, было пацверджана ў пятніцу прэзідэнтам ЗША. Яно павінна было ўступіць у сілу 9, 10 і 11 мая. Кіеў абвясціў, што будзе дзейнічаць сіметрычна дзеянням Расіі.
ПР/юл