Украіна на працягу ночы нанесла шэраг удараў беспілотнікамі ўглыб расійскай тэрыторыі. У выніку гарыць Разанскі нафтаперапрацоўчы завод. Гэта адказ на ўчорашні масіраваны расійскі напад на Кіеў, у выніку якога загінулі як мінімум 24 мірных жыхары.
14-га мая прэзідэнт Уладзімір Зяленскі запэўніў, што будзе адказ на расійскія атакі.
Украінцы запусцілі некалькі сотняў беспілотнікаў у бок Расіі. Яны ўдарылі, сярод іншага, па Разані. Нягледзячы на тое, што ўлады гэтага расійскага гораду заявілі, што на нафтаперапрацоўчы завод упалі толькі аскепкі ад збітых украінскіх беспілотнікаў, апошнія дадзеныя сведчаць аб тым, што шкода можа быць значнай. З нафтаперапрацоўчага заводу ўздымаюцца велізарныя клубы дыму. Гэта адзін з найбуйнейшых нафтаперапрацоўчых заводаў у Расіі. Улады Разані паведамілі пра гібель трох мірных жыхароў. Выбухі таксама былі чутныя ў Таганрозе і Бранску. У горадзе Ейску, верагодна, быў пашкоджаны мясцовы ваенны аэрадром.
Сёння ўначы расіяне працягнулі свае атакі на Украіну, запускаючы дроны «Шахед» у бок Адэсы і Кіева. Паводле дадзеных Генштабу УСУ, агрэсар атакаваў шасцю ракетамі Х-31/Х-35 і 141 ударным дронам тыпу «Шахед», «Гербера» ды іншыя. Супрацьпаветраная абарона Украіны збіла адну ракету Х-35 і 130 варожых БПЛА.
ПР/юл