Сёння 9-га кастрычніка і заўтра 10-га кастрычніка ўкраінская дэлегацыя ў ЗША абмяркоўвае з амерыканцамі пытанне мірных перамоваў з Расіяй. Чакаецца, што ў сустрэчах прымуць удзел і еўрапейскія прадстаўнікі.
Украіну ў ЗША будуць прадстаўляць, сярод іншых, кіраўнік Службы знешняй разведкі Украіны Рустэм Умераў і кіраўнік Офіса прэзідэнта Кірыл Буданаў. Яны абмяркуюць пытанні міру з амерыканскімі пасланцамі Стывам Віткафам і Джарэдам Кушнерам, якія абодва наведвалі Кіеў месяц таму.
Паводле звестак украінскіх СМІ, перамовы будуць сканцэнтраваныя на актывізацыі дыпламатычных рашэнняў і падрыхтоўцы да магчымых трохбаковых перамоваў з Расіяй.
Тым часам напярэдадні перамоваў дзяржаўны сакратар ЗША Марк Рубіа заявіў, што няма ніякіх перспектыў дыпламатычнага ўрэгулявання канфлікту, які зайшоў у «стратэгічны тупік». Гэта выклікала даволі рэзкую рэакцыю прэзідэнта Уладзіміра Зяленскага, які заявіў, што ЗША маглі б, але не жадаюць, аказаць адпаведны ціск на Расію, каб прымусіць Крэмль пагадзіцца на мірныя перамовы.
ПР/юл