У ноч з серады на чацвер у бок Масквы і яе прыгарадаў ляцела больш за 600 беспілотнікаў, паведамілі расійскія ўлады. Мэр сталіцы Сяргей Сабянін заявіў, што сродкі супрацьпаветранай абароны збілі 231 дрон. Атака выклікала збоі ў трох аэрапортах пад Масквой, былі чутныя выбухі. Паведамленні пра выбухі паступалі таксама з Башкірыі. Усяго над Расіяй ляцелі 1214 беспілотнікаў.
Расійскія сродкі супрацьпаветранай абароны адбівалі атаку на працягу многіх гадзін, пагроза прывяла да збояў у паветраным руху. Незалежны расійскі канал «Астра» паведаміў пра тры выбухі каля Нара-Фамінска, размешчанага прыкладна за 70 кіламетраў ад Масквы. Расійскія ўлады не паведамілі падрабязнасцяў пра магчымыя пашкоджанні або ахвяры.
Начная атака парушыла працу маскоўскіх аэрапортаў. Паводле звестак расійскага інфармацыйнага агенцтва ТАСС, у аэрапортах Унукава, Дамадзедава і Жукоўскага былі ўведзены абмежаванні на паветраны рух. З-за пагрозы некаторыя рэйсы былі прыпыненыя. Два самалёты, якія ляцелі з Турцыі ў Маскву, былі перанакіраваны з-за абмежаванняў у аэрапорце Унукава.
Міністэрства абароны Расіі паведаміла, што ў ноч з серады на чацвер сродкі супрацьпаветранай абароны збілі ў агульнай складанасці 1214 украінскіх беспілотнікаў. Паводле заявы расійскіх уладаў, беспілотнікі былі перахоплены над 19 рэгіёнамі краіны, у тым ліку вышэйзгаданай Маскоўскай вобласцю.
ав
PAP/EPA/Maria Senovilla