Прэзідэнт Чэхіі заклікаў Еўропу выпрацаваць адзіную пазіцыю ў перамовах па Украіне

Чэшскі прэзідэнт папярэдзіў, што адсутнасць адзінства аслабляе пазіцыі Еўропы як з перспектывы Расіі, так і ЗША.

Прэзідэнт Чэхіі Пётр Павел падчас прэс-канферэнцыі

PAP/Leszek Szymański

Еўрапейскі Саюз павінен выступаць адзіным голасам у пытанні завяршэння вайны ва Украіне. Пра гэта заявіў прэзідэнт Чэхіі Петр Павел пасля саміту Вышаградскай групы ў славацкім Трэнчыне. Палітык заклікаў еўрапейскія краіны ўзгадніць агульную пазіцыю і выбраць прадстаўніка, які будзе адстойваць інтарэсы Еўропы ў мірных перамовах.

— Нам спатрэбіцца яшчэ адна серыя сустрэч у розных фарматах, каб узгадніць агульную еўрапейскую пазіцыю і выбраць прадстаўніка для перамоў, які будзе клапаціцца пра інтарэсы Еўропы. Цяпер у некаторых перамовах удзельнічаюць прадстаўнікі Еўракамісіі або НАТА, аднак яны не маюць мандата ад усіх краін-членаў ЕС.

Чэшскі прэзідэнт папярэдзіў, што адсутнасць адзінства аслабляе пазіцыі Еўропы як у вачах Расіі, так і ЗША.

Záleží mi na tom, aby spolupráce V4 přinášela konkrétní výsledky. Pokračující podpora Ukrajiny, rozšiřování Evropské unie či zajištění dostupných cen energií pro naše občany patří k tématům, u nichž má smysl spojit síly. Právě o nich jsme jednali v Trenčíně. S prezidenty a předsedkyní Evropské komise jsme mluvili o situaci Ukrajiny před nadcházející zimou, probíhajících mírových jednáních i poválečné obnově. Zdůraznil jsem, že je zásadní, aby byl v rozhovorech, které se týkají evropských zájmů, přítomen evropský hlas. Shodli jsme se také, že úspěšné rozšíření Evropské unie podpoří naši bezpečnost, prosperitu i postavení ve světě.

— Petr Pavel (@prezidentpavel) November 5, 2026

Да ўдзелу Еўрасаюза ў мірным працэсе заклікаў і прэзідэнт Славакіі Петэр Пелегрыні. Паводле яго, вайна ва Украіне пачынае вымотваць Еўропу маральна і эканамічна.

На саміце Вышаградскай групы прэзідэнты Польшчы, Чэхіі, Славакіі і Венгрыі падпісалі сумесную дэкларацыю ў падтрымку Украіны і заклікалі да выпрацоўкі трывалага і справядлівага міру.

iar/эж