X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польскія дыпламаты са Швейцарыі ратавалі габрэяў падчас вайны

12.12.2019 12:25
Створаны спіс больш за 3 тысяч габрэяў, якім дапамагла гэтак званая група Ладася.
       .
Польскія дыпламаты са Швейцарыі ратавалі габрэяў падчас вайны. PAP/Paweł Supernak

У 1941–1943 гадах амбасадар Польшчы ў Бэрне Аляксандр Ладась (Aleksander Ładoś) разам з некалькімі сваімі супрацоўнікамі стварыў групу, якая выдавала габрэям фальшывыя дакументы, дзякуючы якім многія з іх пазбеглі смерці. Колькі габрэяў скарысталіся дапамогай польскіх дыпламатаў? Невядома. Аднак у чацвер Інстытут Пілецкага ў Варшаве прэзентаваў публікацыю, якая ўтрымлівае больш за 3 тысячы прозвішчаў. Гэта вынік двухгадовай працы групы навукоўцаў, якія даследавалі маштаб дзейнасці Ладася і яго супрацоўнікаў, і стварылі спіс асоб, якім яны дапамаглі, паведамляе Марэк Казубаль у выданні Rzeczpospolita.

Акрамя супрацоўнікаў Інстытута Пілецкага, праверкай дадзеных займаліся гісторыкі Інстытута нацыянальнай памяці, архіва Габрэйскага гістарычнага інстытута і Дзяржаўнага музея “Аўшвіц-Біркенаў”.

Дзейнасць групы Ладасія папулярызаваў польскі пасол у Швейцарыі Якуб Кумах (Jakub Kumoch), які з'яўляецца адным з аўтараў публікацыі. Даследчыкам удалося ўстанавіць, што група ў супрацоўніцтве з Сусветным габрэйскім кангрэсам і арганізацыяй Ізраільскай асацыяцыі займалася незаконным набыццём і падрыхтоўкай пашпартоў і пасведчанняў аб грамадзянстве чатырох краін: Парагвая, Гандурасу, Гаіці і Перу.

Згаданыя дакументы атрымлівалі габрэі ў акупаванай Польшчы, у Бельгіі, Нідэрландах, Францыі, Славакіі і Італіі, а таксама пазбаўленыя нямецкага грамадзянства габрэі ў Германіі і Аўстрыі.

Немцы ўспрымалі асоб з такімі дакументамі як замежнікаў і накіроўвалі ў лагеры інтэрнаваных. Гэта значыць, што падробленыя пашпарты ахоўвалі іх уладальнікаў ад вывазкі ў лагеры смерці на тэрыторыі, акупаванай Трэцім Рэйхам, паведамляе Rzeczpospolita.

аз