«Украіна атрымае ад нас новы пакет ваеннай дапамогі на 500 мільёнаў долараў, у тым ліку боепрыпасы для сістэм HIMARS, – заявіў амерыканскі лідар у Кіеве. -Мы накіруем мільярды долараў на забеспячэнне функцыянавання ўкраінскага грамадства. Ахвяра Украіны велізарная».
У апублікаванай заяве амерыканскі прэзідэнт падкрэсліў, што візіт павінен стаць моцным сігналам доўгатэрміновай падтрымкі Украіны з боку Вашынгтона. Джо Байдэн таксама паведаміў, што неўзабаве прадставіць дэталі новага пакета дапамогі Кіеву і новых санкцый супраць Расеі.
«Украіна атрымае ад нас новы пакет ваеннай дапамогі на 500 мільёнаў долараў, у тым ліку боепрыпасы для сістэм HIMARS, – заявіў амерыканскі лідар у Кіеве. -Мы накіруем мільярды долараў на забеспячэнне функцыянавання ўкраінскага грамадства. Ахвяра Украіны велізарная».
Падчас прэс-канферэнцыі з прэзідэнтам Зяленскім у Кіеве Джо Байдэн сказаў, што год таму, калі Расія ўварвалася ва Украіну, Уладзімір Пуцін хацеў, каб гэта было канцом Украіны. Амерыканскі прэзідэнт сказаў, што адбылося інакш: праз год Украіна жывая, дэмакратыя жывая, а Кіеў – «глыбока ў маім сэрцы».
«Свабода неацэнная і за яе варта змагацца», – сказаў Джо Байдэн.
Неабвешчаны візіт прэзідэнта ЗША ў Кіеў пачаўся ў панядзелак раніцай з гукаў сірэн паветранай трывогі, абвешчаных па ўсёй Украіне ў сувязі з актыўнасцю расійскай ваеннай авіяцыі.
Візіт амерыканскага прэзідэнта да апошняга рыхтаваўся ў строгай таямніцы.
ав