X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Мінаюць 105 гадоў ад Фацімскіх аб’яўленняў і 41 год ад замаху на Яна Паўла ІІ

13.05.2022 11:13
У 1930 годзе Касцёл пацвердзіў сапраўднасць фацімскіх аб’яўленняў.
Аўдыё
  • Мінаюць 105 гадоў ад Фацімскіх аб’яўленняў і 41 год ад замаху на Яна Паўла ІІ
Фігурка Маці Божай Фацімскай падчас працэсіі ў ФацімеPAP/EPA/PAULO CUNHA

У пятніцу, 13 траўня, мінула 105 гадоў ад Фацімскіх аб’яўленняў. З 13 траўня па 13 кастрычніка 1917 году Маці Божая аб’явілася тром пастухам у Фаціме ў Партугаліі. Усяго Маці Божая прыйшла да дзяцей шэсць разоў. У 1930 годзе Касцёл пацвердзіў сапраўднасць фацімскіх аб’яўленняў.

Праз дзяцей Марыя заклікала людзей да малітвы на ружанцы, навяртання і пакаяння, нагадвае ксёндз Марцін Собех:

-Гэта важнае свята, паколькі яно нам нагадвае пра тое, што здарылася ў 1917 годзе, калі Марыя аб'явілася і прасіла маліцца, у першую чаргу за мір, і навяртацца. І гэта сутнасць абʼяўленняў Марыі ў Фаціме. Калі яны пачаліся, ішла Першая сусветная вайна, народы паўсталі адзін супраць аднога. Маці Божая кажа: Калі народы навернуцца і звернуцца да Бога, вайна закончыцца.

Маці Божая дае канкрэтны заклік у 1917 годзе, дадае святар:

-Сёння гэты заклік асаблівым чынам зʼяўляецца актуальным, бо за нашымі межамі ідзе вайна Расіі і Украіны. Калі мы навернемся, закончыцца вайна ва Украіне. Дзень 13 траўня і фацімскія абʼяўленні нагадваюць, што кожнаму з нас патрэбнае навяртанне да Бога і перамены ў сэрцы.

Ксёндз Марцін Собех падкрэслівае, што калі людзі клапоцяцца пра мір у свеце, то прымуць просьбу Марыі з фацімскіх аб’яўленняў:

-Варта пачуць словы Маці Божай з Фацімы. У ліпені яна просіць аддаць беззаганнаму сэрцу Расію, молячыся ў першыя суботы месяца. Гэта вельмі важна. Калі мы адкажам на просьбу Марыі, то будзем у стане закончыць вайну. Думаю, калі гэта нам трэба, то мы ў стане прыняць яе просьбу.

З 13 траўня па 13 кастрычніка 1917 году ў Фаціме Марыя з’явілася 10-гадовай Луцыі і яе брату і сёстры – 7-гадовай Хасінце і 9-гадоваму Францішку. Марыя перадала дзецям тры фацімскія таямніцы. Першая абвясціла аб ранняй смерці Хасінты і Францішка. Другая – пра пачатак Другой сусветнай вайны, калі людзі не навернуцца. Яна таксама тычылася навяртання Расіі і падзення камунізму. У трэцяй гаварылася пра пакутніцтва Касцёла і Папы. Імі праз гады стала пакушэнне на жыццё Яна Паўла ІІ 13 мая 1981 года.

Хасінта і Францішак памерлі неўзабаве пасля абʼяўленняў – у 1920 і 1919 гадах. Яны былі бэатыфікаваныя Янам Паўлам ІІ 13 мая 2000 году, а праз 17 гадоў, падчас пілігрымкі ў Фаціму, кананізаваны папам Францішкам. Луцыя стала манашкай. Яна памерла 13 лютага 2005 года.

У дзень пачатку фацімскіх абʼяўленняў, 13 траўня 1981 году, споўнілася адна з яе таямніц, якая тычылася пакут Папы рымскага. Падчас агульнай аўдыенцыі на пляцы св. Пятра ў Рыме ў 17:19 турэцкі найміт Мехмет Алі Агджа тройчы стрэліў у Святога Айца, які вітаў пілігрымаў у адкрытым папамабілі. У гэты момант Папа нагнуўся, каб узяць на рукі маленькую дзяўчынку. Яму стрэлілі ў руку і жывот. Цяжка параненага папу неадкладна даставілі ў клініку Джэмэлі. У выніку некалькі гадзіннай аперацыі лекарам удалося выратаваць жыццё Яна Паўла ІІ.

Пасля навіны аб нападзе большасць радыё- і тэлеканалаў свету спынілі праграму і паведамілі пра стан здароўя папы. Людзі стыхійна збіраліся на малітву ў касцёлах і на плошчах. Шок, абурэнне, шкадаванне – такімі былі рэакцыі людзей, якія, незалежна ад сваіх поглядаў, выказвалі салідарнасць з папам. Праз тры тыдні Ян Павел ІІ вярнуўся ў Ватыкан, але выздараўленне заняло значна больш часу.

Ян Павел ІІ звязваў сваё выратаванне з заступніцтвам Маці Божай Фацімскай, таму што стрэлы былі зроблены ў гадавіну Фацімскіх аб’яўленняў, 13 траўня. Праз некалькі тыдняў пасля нападу Папа публічна абвясціў, што Маці Божая змяніла ход выпушчаных у яго куль. Праз год, 13 траўня 1982 году, ён паехаў у Фаціму з падзякай за выратаванне яму жыцця.

Папа прабачыў Мехмету Алі Агджу яшчэ ў машыне хуткай дапамогі.
Мехмет Алі Агджа быў асуджаны італьянскім судом да пажыццёвага зняволення ў ліпені 1981 года. Памілаваны праз 19 гадоў, ён быў адпраўлены ў турэцкую турму за іншыя злачынствы. Яго вызвалілі ў 2010 годзе.

Кулісы замаху на папу і матывы Агджы да канца не растлумачаны, адна з версій гаварыла пра змову камуністычных службаў.

ав

Больш на гэтую тэму: Багацце веры