Беларуская Служба

У Каралеўскім замку ў Варшаве адчынілася выстава «Пейзажы на фарфоры. Жывапіснае натхненне з Белотам на фоне»

08.06.2022 10:48
Экспазіцыя ўключае 29 фарфорных пасудзін, а таксама гравюры Белота, якія, у тым ліку, адлюстроўваюць Варшаву, Дрэздэн, а таксама рэпрадукцыі відаў на галандскія гарады.
Аўдыё
  • У Каралеўскім замку ў Варшаве адчынілася выстава «Пейзажы на фарфоры. Жывапіснае натхненне з Белотам на фоне»
   .
Выстава «Пейзажы на фарфоры. Жывапіснае натхненне з Белотам на фоне»PAP/Albert Zawada

У Каралеўскім замку ў Варшаве адчынілася выстава «Пейзажы на фарфоры. Жывапіснае натхненне з Белотам на фоне». Экспазіцыя ўключае 29 фарфорных пасудзін, а таксама гравюры Белота, якія, у тым ліку, адлюстроўваюць Варшаву, Дрэздэн, а таксама рэпрадукцыі відаў на галандскія гарады.

Дырэктар замка прафесар Войцех Фалкоўскі кажа, што на выставе можна ўбачыць панараму Еўропы, якая пачынаецца з Замкавай плошчы, таму што адзін з самых каштоўных аб'ектаў на выставе – сервіз, аформлены паводле карцін Бернарда Белота.

-Наш паказ – гэта тое, што спалучае вытанчанае жывапіснае майстэрства з надзвычай каштоўнымі ведамі пра вытворчасць фарфору. Тонкага, далікатнага, адначасова вельмі трывалага падчас падарожжаў, а нават падзенняў.

Куратар выставы Ганна Шкурлат расказала, што фарфор на выставе вытанчана ўпрыгожаны ў асноўным гарадскімі пейзажамі.

-Многія мастакі натхняліся пейзажамі Бернарда Белота. Паколькі немагчыма было прывезці карціны ў мануфактуры, раскіданых па цэлай Еўропе, мастакі натхняліся непасрэдна графікай. Фарфоравыя прадметы супастаўляліся з графічнымі прататыпамі.

Выстава будзе працаваць да 4 верасня гэтага года.

ав

Больш на гэтую тэму: Агляд падзей культуры

«Культура людзям у эміграцыі, якія страцілі свой дом, дапамагае жыць»

07.06.2022 12:56
У кракаўскай «Willa Decjusza» ў бліжэйшую пятніцу распачнецца фестываль «Культура ў эміграцыі».