Мастацтвазнавец Валерый Буйвал: Творчасць Купалы ды яе пераасэнсаванне Мулявіным – важнае апірышча нацыянальнай свядомасці беларусаў

Праблемы станаўлення беларускага народа пачатку ХХ стагоддзя, на жаль, не страцілі сваёй актуальнасці і ў 20-ыя гады ХХI стагоддзя, у тым ліку, і дзякуючы гэтаму, творчасць Купалы гучыць надзвычай актуальна і сёння. 

Афіша імпрэзы

Крыніца: https://www.facebook.com/BelaruskiDom

У Сусветны дзень паэзіі 21 сакавіка Беларускі дом у Варшаве зладзіў літаратурна-музычную вечарыну, прысвечаную творчасці народнага паэта Беларусі Янкі Купалы.

Завадатарка і вядоўца сустрэчы Галіна Пазьняк асаблівую ўвагу надала Янку Купалу – нацыянальнаму песняру, які ў значнай ступені паўліваў на нацыянальнае адраджэнне беларусаў пачатку ХХ стагоддзя. Адным з першых твораў, які прагучаў на вечарыне быў верш «А хто там ідзе» – гімн народа, які ўпершыню заявіў пра свае правы на самастанаўленне. Да твору аднеслася Галіна Пазьняк.

Галіна Пазьняк падчас літаратурнай імпрэзы, прысвечанай Я. Купалу, Беларускі дом у Варшаве, 21 сакавіка 2023 г.

Праблемы станаўлення беларускага народа пачатку ХХ стагоддзя, на жаль, не страцілі сваёй актуальнасці і ў 20-ыя гады ХХI стагоддзя, у тым ліку, і дзякуючы гэтаму, творчасць Купалы гучыць надзвычай актуальна і сёння. На вечарыне творы песняра дэкламаваў Зянон Пазьняк, у тым ліку, прагучаў верш «Ворагам беларушчыны».

Паэтычная спадчына Янкі Купалы поліфанічная. Кожны, хто ў яе занурыцца, знаходзіць там штосьці сваё. Уладзімір Мулявін, казаў, што ў творчасці паэта ён знаходзіўся адказы на ўсе датклівыя жыццёвыя пытанні, распавяла Галіна Пазняк.

У сваю чаргу, беларускі мастацтвазнавец і перакладчык, сябра Беларускага саюза мастакоў Валерый Буйвал, які таксама прымаў удзел у вечарыне, лічыць творчасць Купалы ды яе пераасэнсаванне Мулявіным адным з важных апірышчаў нацыянальнай самасвядомасці беларусаў, якое яшчэ акажа ўплыў на адраджэнне нацыі.

Рэпартаж з вечарыны слухайце ў далучаным гукавым файле!

эж