Журы, якое складаецца з выдатных сусветных творцаў і літаратуразнаўцаў, абвясціла рашэнне ў Польскім тэатры ў Варшаве.
Нямецкі паэт і пісьменнік Міхаэль Кругер падкрэсліў, што Янг Лян – кітайскі паэт у выгнанні. Пасля крывавага падаўлення пратэстаў на плошчы Цяньаньмэнь у 1989 годзе ён вырашыў застацца ў эміграцыі:
-Янг Лян – кітайскі паэт, які жыве ў Берліне, недалёка ад адраса, дзе ў гэтым горадзе жыў Збігнеў Герберт. Лян, як і многія іншыя кітайскія паэты, застаецца творцам у эміграцыі. Ён піша творы на кітайскай мове ў духу традыцыі яго краіны, але ён жыве ў малюсенькай кватэры ў Берліне.
Паэзія Янг Ляна таксама блізкая да разумення мастацтва Герберта праз творчыя спасылкі на традыцыі і пастаянны дыялог з антычнай паэзіяй, – сказала кіраўнік Фонду Збігнева Герберта Марыя Дзедушыцкая:
-Яго адносіны да мастацтва, традыцыі, выкарыстоўванне паэтычных традыцый, што было блізкім Герберту. Думаю, журы ўзяло гэта пад увагу. Я прыватна таксама вельмі цешуся, што мы ўваходзім на цалкам новы моўны ўзровень, таксама геаграфічны. Праўда, лаўрэат жыве ў Берліне, але стала піша па-кітайску, рэпрэзентуе паэзію гэтай мовы. Гэта поўная навінка. Узнагарода імя Збігнева Герберта ўваходзіць на новую тэрыторыю.
Уручэнне прэміі адбудзецца 23 траўня ў Польскім тэатры ў Варшаве. Міжнародная літаратурная прэмія імя Збігнева Герберта – гэта ўзнагарода, якая ўручаецца з 2013 года ў галіне сусветнай літаратуры, у першую чаргу ў галіне паэзіі.
ав