У спіс уваходзяць рэгаліі караля Аляксандра Ягелона і каралеў Барбары Радзівіл і Лізаветы Аўстрыйскай. Сярод іх кароны, скіпетры і пярсцёнкі, якія былі знойдзены ў схованцы Віленскага кафедральнага сабора зімой. Прадметы былі схаваны там неўзабаве пасля пачатку Другой сусветнай вайны.
Міністэрства культуры Літвы падкрэслівае, што знаходка мае выключную гістарычную і культурную каштоўнасць, непасрэдна звязаную з гісторыяй кіраўнікоў Вялікага Княства Літоўскага. Унясенне ў Рэестр культурных каштоўнасцей сведчыць аб абавязацельстве літоўскай дзяржавы забяспечыць належнае даследаванне, захаванне і даступнасць прадметаў для грамадскасці.
У цяперашні час большасць знойдзеных прадметаў знаходзіцца на кансервацыі. Толькі каралеўскі скіпетр выстаўлены ў Нацыянальным музеі Літвы. Магчыма, што астатнія рэгаліі будуць выстаўлены наступным летам.
Агулам у спісе апынуліся 58 аб'ектаў.
ав