Ужо стала традыцыяй, што на кірмашы прысутнічаюць беларускія незалежныя выдаўцы. Яраслаў Іванюк з выдавецтва «Kamunikat» гаворыць, што беларускі выдаўцам ёсць чым ганарыцца, калі казаць пра гістарычную тэматыку:
- Незалежныя выдавецтвы вельмі зацікаўлены ў тым, каб чытачы атрымлівалі сапраўдную беларускую гісторыю. Цяпер гэта асабліва важна, калі рэжымная прапаганда выціскае яе нават з праграмы навучання ў школах. Таму беларускія незалежныя выдавецтвы прапануюць сапраўдную гісторыю, якая фармавала нас, як народ.
На беларускім стэндзе можна набыць кнігі, часопісы, аксесуары і нацыянальную сімволіку.
У рамках спадарожных імпрэз пройдзе аўтарская сустрэча з прафесар Даротай Міхалюк, аўтаркай выдання «Пачаткі незалежнай Беларусі». Беларускі гісторык, прафесар Юры Грыбоўскі і прафесар Гжэгаж Новік запрашаюць на дыскусію «За нашу і вашу волю».
Кірмаш будзе працаваць да нядзелі (30 лістапада), уваход вольны.
Дырэктар кірмашу Вальдэмар Міхальскі запэўнівае, што, як і штогод, Аркады Кубіцкага прапануюць шырокі выбар выдавецтваў гістарычных кніг.
- Сёлета ў нас 150 выдавецтваў, якія прэзентуюць свае кнігі. Думаю, што гэта каля 7-8 тысяч пазіцый. Нагадваю, што акрамя выдавецтваў у нас будзе антыкварыят. Гэтая частка кірмашу карыстаецца вялікай зацікаўленасці. Там можна сустрэць сапраўдныя жамчужыны.
Музеі, універсітэцкія выдавецтвы і навукова-даследчыя інстытуты таксама прадставяць свае кнігі, а аўтары сустрэнуцца з чытачамі.
ав
.