Беларускі віртуальны праект Gurt GukAI прадстаўляе альбом «Беларускамоўнае. Песні ў эміграцыі» — мультыжанравы рэліз, які свядома паказвае: беларуская мова можа гучаць сучасна, смела і ў любых музычных стылях.
Gurt GukAI — гэта віртуальны незалежны музычны праект, у назве якога спалучаюцца два сэнсы: беларускае «гукай» («заві, кліч») і «гук AI» як адсылка да выкарыстання сучасных тэхналогій і штучнага інтэлекту.
Праект выкарыстоўвае і аб’ядноўвае розныя галасы, жанры і мастацкія падыходы, ствараючы адкрытую эксперыментальную прастору. Ідэя — паказаць, як па-рознаму можа гучаць беларуская мова. Гэта пра разнастайнасць — і пра тое, што беларуская мова не абмяжоўвае, а адкрывае магчымасці, пішуць у прэс-рэлізе стваральнікі праекта.
Разам з альбомам на платформе таксама ўжо даступныя асобныя сінглы праекта на розных мовах — у тым ліку рускія кампазіцыі, англамоўны country-blues, а таксама пераклады беларускіх песень і паэтычных тэкстаў на чэшскую мову, створаныя як культурны мост для беларусаў у Чэхіі.
паводле прэс-рэлізу/ав