Польская валюта ўмацоўваецца і гэта можа запаволіць інфляцыю, піша ў пятніцу штодзённка Rzeczpospolita.
Злоты ў апошнія тыдні прыкметна ўмацаваўся, у чацвер адно еўра каштавала каля 4,49 зл. і гэта на 4,6% менш, чым у канцы лістапада мінулага года, калі курс дасягаў 4,71 зл. Гэта добрая навіна, таму што чым мацней айчынная валюта, тым менш кампаніі і спажыўцы павінны плаціць за імпартныя тавары: электроніку, адзенне і перш за ўсё нафту, цэны якой на сусветных рынках аказваюць вялікі ўплыў на кошт паліва на польскіх запраўках.
Умацаванне злотага – адзін са спосабаў барацьбы з інфляцыяй, яго ўмацаванне на 1% азначае зніжэнне інфляцыі на 0,1-0,2 працэнтных пункты. Галоўны эканаміст ING Bank Рафал Бэнэцкі лічыць, што ўзмацненне польскай нацыянальнай валюты – гэта добры крок урада, бо павышэнне працэнтных ставак зніжаюць інфляцыю толькі ў доўгатэрміновай перспектыве, а ўрадавы «Антыінфляцыйны шчыт» недастатковы, каб зніжэнне цэнаў стала адчувальным.
Паводле даследавання IBRiS (Інстытуту даследавання грамадскай думку) ураду не ўдалося пераканаць большасць палякаў у тым, што «Антыінфляцыйны шчыт» аказаўся эфектыўны. Толькі 46,3% апытаных лічаць, што гэта эфектыўны метад барацьбы з інфляцыяй, а 48,4% прытрымліваюцца супрацьлеглага меркавання.
Апошняе ўмацаванне залатога наступіла, у прыватнасці, дзякуючы змене рыторыкі старшыні Нацбанку Польшчы Адама Глапінськага, які цяпер пазіцыянуе сябе як прыхільнік павышэння працэнтных ставак, і на гэтым тыдні ў антыінфляцыйны арсенал дадаў клопат аб умацаванні нацыянальнай валюты.
эж