Палякі купляюць долары

Банкіры паведамляюць пра большы попыт на валюту.

Долары

pasja1000/pixabay.com/CC0 Public Domain

На працягу некалькіх апошніх дзён у Польшчы назіраецца большы попыт на валюту, у асноўным на долары. «Гэта натуральны і чаканы ход падзеяў. Узровень выплат значна ніжэйшы, чым у першыя месяцы пандэміі, калі мы зафіксавалі вельмі вялікі адток укладаў», – кажа адзін з банкіраў, якога цытуе Puls Biznesu.

Штодзёнка паведамляе, што на ўсходзе краіны, у Люблінскім і Жэшаўскім ваяводствах, назіраецца рух у іншым кірунку: інтэнсіўныя валютныя пераводы на рахункі. «Кліенты з Украіны, якія працуюць у Польшчы, пераводзяць грошы на свае рахункі. Часам у аддзяленнях утвараюцца чэргі, таму што кожны буйны дэпазіт павінен прайсці ўсю працэдуру, прадугледжаную правіламі барацьбы з адмываннем грошай», – сказаў у размове са штодзёнкай Puls Biznesu адзін з банкіраў.

аз