Беларуская Служба

Інтэрнэт-пакупкі заахвочваюць зручнасцю, а не цэнамі

22.09.2022 10:15
Інтэрнэт-продажам у Польшчы займаюцца ўжо 250 тысяч кампаній, сярод якіх большасць прадае адзенне і прадукты харчавання.
  .
Пакупкі ў інтэрнэце.Photo:QuinceCreative/pixabay.com/CC0 Public Domain

Ужо 26 мільёнаў палякаў купляюць праз інтэрнэт. Цягам бліжэйшых гадоў гэтая колькасць павялічыцца на мільёны. 8 працэнтаў цяперашніх кліентаў пачалі сваю прыгоду з інтэрнэт-крамамі падчас пандэміі. Продажу ў такім памеры ўжо нельга ігнараваць, паведамляе «Rzeczpospolita».

Штодзёнка адзначае, што хоць падчас высокай інфляцыі цана становіцца ўсё больш распаўсюджаным крытэрыем выбару тавараў, то ў выпадку дзвюх трацінаў інтэрнэт-пакупнікоў найважнейшай з'яўляецца зручнасць і даступнасць тавараў у любы час дня і ночы.

На цану і прывабную распродаж у гэтым кантэксце паказвае кожны другі рэспандэнт. Паводле дадзеных Галоўнага статыстычнага ўпраўлення, у жніўні 2022 года ў параўнанні з ліпенем рознічны тавараабарот праз інтэрнэт у бягучых цэнах вырас на 6,6%. У выніку яго доля ў рознічным гандлі вырасла з 8,4 у ліпені да 8,9%, але ў рэальным выражэнні яна значна большая, паколькі Галоўнае статыстычнае ўпраўленне ўлічвае толькі кампаніі, у якіх працуе больш за дзевяць чалавек.

Паводле апошніх звестак, у Польшчы інтэрнэт-продажам займаюцца ўжо 250 тысяч кампаній, сярод якіх большасць прадае адзенне і прадукты харчавання.

«Іншая справа – спажывецкія настроі, якія цяпер дрэнныя і не спрыяюць пакупкам. Такім чынам, доля электроннага гандлю, верагодна, вырасце ў бліжэйшыя месяцы, але ў цэлым спажывецкія выдаткі знізяцца», – падкрэслівае ў размове з газетай Павал Шукальскі з Comperia.pl.

Цяперашняя макраэканамічная сітуацыя прымусіць кліентаў эканоміць, таму падчас пакупак яны таксама будуць шукаць самыя нізкія цэны, а такое «паляванне» больш зручнае ў інтэрнэце.

«Rzeczpospolita» таксама адзначае, што пандэмія змяніла стаўленне многіх спажыўцоў да пакупак прадуктаў харчавання ў інтэрнэце. У выніку ўжо 30 працэнтаў набываюць такія прадукты праз інтэрнэт некалькі разоў на месяц, а больш за 15 працэнтаў – некалькі разоў на тыдзень. Штомесячныя выдаткі на прадукты харчавання складаюць 20% усіх выдаткаў у інтэрнэце.

аз

Канец бясплатных паставак – інтэрнэт-крамы пачынаюць эканоміць

16.09.2022 09:45
Бясплатнае вяртанне замоўленых тавараў абыходзіцца інтэрнэтным крамам занадта дорага.

40 працэнтаў палякаў восенню не плануюць буйных выдаткаў

20.09.2022 08:45
Палякі адмаўляюцца ад большых выдаткаў з-за інфляцыі і звязанай з ёй нявызначанасці, кажуць эксперты.