У адмысловай заяве амерыканскія ўлады сцвярджаюць, што дзяржавы-члены ЕС уводзяць правілы, якія шкодзяць бізнесу з ЗША – чытаем на сайце Business Insider.
Паводле Офіса гандлёвага прадстаўніка ЗША, еўрапейскія законы прыводзяць да накладання падаткаў, штрафаў і прыняцця дырэктыў, накіраваных супраць амерыканскіх кампаній, у першую чаргу з тэхналагічнага сектара.
Амерыканскі бок падкрэслівае, што кампаніі з ЗША прапануюць грамадзянам ЕС шырокі спектр бясплатных паслуг, падтрымліваюць еўрапейскія фірмы і ствараюць мільёны працоўных месцаў у Еўропе, інвестуючы на суму больш за 100 мільярдаў долараў.
У Вашынгтоне адзначаюць, што ўжо шмат гадоў уздымаюць гэтыя пытанні ў дыялогу з Бруселем, але, паводле іх слоў, ЕС ігнаруе іх заўвагі. Адначасова падкрэсліваецца, што еўрапейскія кампаніі — у тым ліку Accenture, SAP, Siemens ці Spotify — дзесяцігоддзямі працуюць на рынку ЗША на роўных умовах.
ЗША папярэджваюць: калі палітыка Еўрасаюза не зменіцца, Амерыка можа ўвесці зборы або абмежаванні ў дачыненні да замежных паслуг. Пры гэтым адзначаецца, што аналагічная пазіцыя будзе ўжытая і да іншых краін, калі яны пойдуць шляхам ЕС.
нг